Englishსამხედრო დაპირისპირების დროს სუდანში, სამუშაო ვიზიტით მყოფი, ავიაკომპანია Geosky-ს თანამშრომლები უკვე საქართველოში არიან.
სუდანიდან, ავიაკომპანია Geosky-ს თანამშრომელთა ევაკუირების პროცესი, საქართველოს საგარეო საქმეთა სამინისტროს დახმარებით წარმატებით დასრულდა.
გვსურს, მადლობა გადავუხადოთ საქართველოს საგარეო საქმეთა სამინისტროს, რომელიც უწყვეტ რეჟიმში იმყოფებოდა კომუნიკაციაში ავიაკომპანიასთან და უზრუნველყო თანამშრომელთა მშვიდობიანი დაბრუნება საქართველოში, საქართველოს საგანგებო და სრულუფლებიან ელჩს ეგვიპტის არაბთა რესპუბლიკაში, მიხეილ თიგიშვილს და საქართველოს კონსულს თურქეთში, ბატონ კონსტანტინე კოტარიას, ასევე დიდ მადლობას ვუხდით პარტნიორ კომპანიებსა და ყვეელა იმ პირს, ვინც ჩართულნი იყვნენ მათი მშვიდობიანი ევაკუირების პროცესში .
შეგახსენებთ, რომ სუდანში 15 აპრილს დაწყებული სამხედრო დაპირისპირების დროს, ავიაკომპანიის 20 წევრი იმყოფებოდა დედაქალაქ ხარტუმში. სუდანიდან, ავიაკომპანია Geosky-მ თანამშრომელთა მშვიდობიანი ევაკუირების პროცესი, საქართველოს საგარეო საქმეთა სამინისტროს დახმარებით ეგვიპტის საზღვრამდე განახორციელა, სადაც საქართველოს საგანგებო და სრულუფლებიანი ელჩი ეგვიპტის არაბთა რესპუბლიკაში, მიხეილ თიგიშვილი დახვდათ. ეგვიპტიდან კი, საჰაერო გზით თურქეთის გავლით, 27 აპრილს ჩამოფრინდნენ საქართველოში.
